នាថ្ងៃពុធ ទី១១ ខែកញ្ញា ឆ្នាំ២០២៤ វេលាម៉ោង១០ព្រឹក ឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ និងជាប្រធានក្រុមសមាជិកព្រឹទ្ធសភាប្រចាំភូមិភាគទី៧ បានអញ្ជើញជួបសំណេះសំណាល និងសួរសុខទុក្ខជាមួយក្រុមប្រឹក្សាឃុំជើងគោ ស្រុកព្រៃនប់ ខេត្តព្រះសីហនុ ព្រមទាំងពិនិត្យមើលក្រុមការងារកំពុងសាងសង់របងថ្មីមួយខ្សែជូនសាលាឃុំជើងគោដែលជាការឧបត្ថម្ភផ្ទាល់របស់ឯកឧត្តមបណ្ឌិត។ គួររំលឹកផងដែរ កាលពីឆ្នាំ១៩៩៧ ដោយមើលឃើញអគាររដ្ឋបាលឃុំសាងសង់ពីឈើប្រក់ស័ង្កសី មានសភាពចាស់ទ្រុឌទ្រោម ឯកឧត្តមបណ្ឌិតបានជួយសាងសង់អគារថ្មឱ្យប្រើប្រាស់រហូតមកដល់បច្ចុប្បន្ន និងនៅរដូវរំហើយខាងមុខនេះ ឯកឧត្តមបណ្ឌិតនឹងបញ្ជូនក្រុមការងារគ្រឿងចក្រមកជួយសម្រួល បរិវេណសាលាឃុំឱ្យបានល្អប្រសើរជាងនេះ។
